Eins og glöggir lesendur hafa eflaust tekið eftir þá er ég mikið að fikta í síðunni og reyna að læra hvernig hægt er að laga og bæta án þess að skemma.  Aumingja Kidda er orðin frekar leið á grúskinu í mér….

Annars er helgin búin að vera dásamleg, róleg og góð. Afmæli hjá Brynjari litla frænda á föstudag en hann varð 3ja ára.  Honum finnst frekar gaman að bílum og helst ef þeir geta búið til óhljóð í leiðinni.  Um kvöldið heimsóttum við kærar vinkonur í Hafnarfjörðinn, þær Söru Hjalla Dögg og Bylgju Hauks.  Alltaf gaman að heimsækja þær enda höfðingjar heim að sækja. Í gær fórum við á kynningu á frambjóðendum Samfylkingarinnar í Reykjavík og það var ansi gagnlegt við val á þeim 8 aðilum sem maður má kjósa. Það eru 16 í framboði og allir eru þeir mjög frambærilegir og valið á milli manna og kvenna erfitt.  Ég ætla að reyna að stulða að einhverri endurnýjun…meira um það seinna.

Gleymdi að segja ykkur að Laufey er búin að vera í skólafríi og hefur verið hjá pabba sínum.Hún kom samt í afmælið hjá Brynjari og hittum við hana þar. Viti menn, haldið þið að barnið hafi ekki verið komin með gervineglur, ég legg ekki meira á ykkur.  Mjög langar og með svona hvítri rönd fremst….hún nær varla að taka mikið til með þessi fínheit eða hvað?

Jæja, best að halda áfram að fikta, Kiddu til mikillar gleði

« Velkomin
Húrra fyrir Ínu »

This entry was posted on Sunday, November 5th, 2006 at 3:25 pm and is filed under Börn, Tölvur. You can follow any responses to this entry through the RSS 2.0 feed. You can leave a response, or trackback from your own site.