Draumaprinsinn mættur á svæðið
Stuttar fréttir af Rokkfjölskyldunni. Yfir Rokk sannaði í dag hvað það er að vera sannur rokkari, það er nefnilega að vera sönn hetja. Hún Kidda mín var mesta hetja sem ég hef nokkru sinni hitt í þessari fæðingu. Hún notaðist eingöngu við jógatækni til að koma sér í gegnum fæðinguna og fékk því engin meðöl. Hún hafði engan áhuga á þeim, heldur andaði bara inn um nefið og út um munninn með svokallaðri haföndun. Ég hef bara aldrei elskað hana eins heitt eins og í dag. Allt gekk þetta eins og í lygasögu og Poji kom í heiminn klukkan 14:47. Draumaprinsinn var síðan ekkert lítill eins og gárungarnir voru búnir að spá heldur rétt rúmar 15 merkur eða 3.765 grömm og 53 cm. Pilturinn grét þegar hann fæddist eins og til er ætlast en bara rétt nóg til að hreinsa sig, síðan þá hefur hann ekki grátið. Hann saug strax bæði brjóstin og fór svo að sofa. Þegar þetta er ritað er hann búinn að sofa í 5-6 tíma samfellt, þrátt fyrir að sumir séu búnir að reyna mikið að vekja hann (m.ö.o. amma Sóla). Þetta lofar því mjög góðu. Pilturinn var ansi blár þegar hann fæddist en það eltist af honum á 2 tímum. Nú er hann svakalega súkkulaði sætur eins og neðangreindar myndir gefa til kynna. Mig langar að skrifa miklu meira um þessa upplifun en þar sem Kidda og ónefndur (nú verður maður að hætta að kalla hann Poja svo það festist ekki við hann) bíða eftir mér uppá spítala en ég skrapp heim til tengdó til að skrifa nokkrar línur og sýna ykkur myndir.
Að lokum langar mig að þakka ljósmóðurinni okkar henni Helgu vinkonu tengdamóður fyrir að taka á móti Poja fyrir okkur. Helga er búin að vera á bakvakt fyrir okkur í nokkrar vikur núna. Tengdamamma sem líka er ljósmóðir var líka viðstödd og voru þær saman í að taka á móti. Kærar þakkir til ykkar fyrir að gera þetta að svona rómantískri og fallegri stund. Ég er ekki enn farin að trúa hvað þetta var falleg og átakalítil og róleg stund (með jógátónlist og jógailm).
Ég skora síðan á Kiddu að skrifa ýtarlega fæðingasögu þegar hún verður búin að jafna sig. Þ.e.a.s. ef hún man eitthvað eftir þessu, hún var nefnilega í svo massa mikilli og djúpri íhugun allan tímann.
Ást til ykkar allra.
Ína
Ps. Laufey stóra systir stóð sig líka eins og besta stóra systir og fékk að vera með í stórum hluta ferilsins. Hún verður besta stórasystir í heimi 
This entry was posted on Saturday, October 27th, 2007 at 10:09 pm and is filed under Börn, Fjölskyldan, Heilsan, Myndir, óléttan. You can follow any responses to this entry through the RSS 2.0 feed. You can leave a response, or trackback from your own site.
October 27th, 2007 at 10:19 pm
Kidda hetja, til lukku með svona yndislega fæðingu.
October 27th, 2007 at 10:26 pm
Vá, ég get svo svariða að ég fór bara að háskæla þegar að ég skoðaði myndirar ykkar;o)
Hjartans hamingjuóskir með prinsinn ykkar. Sá er aldeilis lukkunnar pamfíll með þrjár mömmur til að hugsa um sig;o)
October 27th, 2007 at 10:32 pm
Innilega til hamingju með litla prinsinn ykkar kæra fjölskylda kveðja kvöldvaktin Höfða.
October 27th, 2007 at 10:41 pm
Innilegar hamingju óskir til ykkar allra. Hann er yndislegastur.
Kær kveðja,
Fjóla Þorvalds.
October 27th, 2007 at 10:50 pm
Innilega til hamingju allar með þennan fallega dreng.
Kidda, þú rokkar!
October 27th, 2007 at 11:12 pm
Elsku stelpur, innilega til hamingju með þennan fallega dreng ! við hlökkum ekkert smá til að hitta hann
Vonum að þið hafið það sem allra best
kv. Þóra, Dísa og Sigþór
October 27th, 2007 at 11:40 pm
Ekki laust við táraflóð á þessum bæ:) Hann er fullkominn með rokkhárgreiðslu, til hamingju allar þrjár með litla gullið.
Kveðja Jódís og Guðrún.
October 28th, 2007 at 1:34 am
Innilega til hamingju aftur elsku Kidda,Ína og Laufey Ebba,hann er yndislegur.Fallegt blogg hjá þér Ína og takk fyrir að sýna okkur svona fljótt allar þessar fallegu myndir,maður bara tárast.Hlakka til að hitta þennan nýja frænda minn.Kveðja María
October 28th, 2007 at 2:28 am
Þvílík gleðistund.
Innilega til hamingju allar þrjár með litla prinsinn (er maður ekki bara ponsu líkur afa Þóri??).
Gott að heyra að öllum heilsast vel og að stundin hafi verið ykkur yndisleg.
Bestu kveðjur
October 28th, 2007 at 6:56 am
Það er bara ekki annað hægt en að tárast yfir svon fallegri sögu og stórkostlegum dreng sem er alveg með svip af honum Tóta afa sínum. Kidda mín svo mikil strandakona að taka svona létt á þessu, hlakka til að heyra alla söguna frá byrjun til enda, ég er mikil áhugakona um fæðingasögur. Risa koss á ykkur allar og nú tel ég dagana í að fá að hitta sætasta strákinn í bænum!
October 28th, 2007 at 7:16 am
Elsku Ína, Kidda og Laufey Ebba, hjartanlegar hamingjuóskir með litla gullmolann. Hann er alveg yndislegur og gullfallegur.
Skila kveðjur frá Bjarna og Sigurlaugu Maríu.
October 28th, 2007 at 8:33 am
Ég er bara búin að vera grátandi síðustu klukkutíma, af eintómri gleði. Til hamingju með þennan dásamlega, undursamlega fallega rokkprins. Við Ásta vöknuðum eldsnemma í morgun til að athuga hvort ekki væru komnar myndir af honum, og hún ljómaði þegar hún skoðaði myndirnar
Get ekki beðið eftir að hitta ykkur fallegu fjölskylduna og knúsa þann litla, þegar þið eruð búnar að jafna ykkur. Vona að allt gangi vel, sem mig grunar að sé málið…..tóm hamingja framundan. Ástarkveðjur frá Álftamýri
October 28th, 2007 at 10:05 am
Elsku fjölskylda
Aftur hamingjuóskir, myndirnar æðislegar og prinsinn yndislegur. Það er rétt sem kemur fram að hann sýnist í fyrstu vera líkur afa sínum.
mikið var ég glöð að heyra að jógaöndunin og tæknin skilaði sér svona vel í fæðingunni.
Hlakka til að sjá hann
kveðja Sigurlaug
October 28th, 2007 at 11:21 am
Já tárin fara sko sannarlega að trilla. Er lífið ekki dásamlegt!?
Ástarkveðjur til ykkar og hamingjuóskir. Takk fyrir að setja strax inn myndir Ína. Var að deyja úr spenningi!
October 28th, 2007 at 12:58 pm
Elsku Ína Kidda og Laufey Ebba
Innilega til hamingju með prinsinn, ég táraðist líka eins og allir hinir að lesa bloggið þitt Ína
Mikið eruð þið lánsamar að fæðingin gekk svona vel og var svona yndisleg. Kemst ekki uppeftir í dag en kíki á ykkur um leið og ég kem frá UK.
kv.
Magga
October 28th, 2007 at 1:30 pm
Til hamingju öll.
Þetta er stórkostlegt!
Hlakka til að fá fleiri myndir og fleiri fréttir.
Þúsund kossar
October 28th, 2007 at 5:53 pm
Þúsund hamingjukossar til ykkar elsku fjölskylda. En yndislegar myndir…frábært að lesa hve þessi stund hefur verið ykkur dýrmæt og yndisleg! Við hlökkum þvílíkt til þess þegar við fáum tækifæri til að kíkja á ykkur. Knús og kossar Sara og Bylgja.
October 28th, 2007 at 6:05 pm
Innilega til lukku með prinsinn, hann er greinilega fæddur rokkari, með rokkara hár og allt. Til hamingju með flotta fæðingu Kitta.
Kveðja Eva og Kári
(mánudagur kl 18.15
October 28th, 2007 at 8:34 pm
Innilega til hamingju elsku fjölskylda
Æðislegar myndir og hlakka til að fá fæðingarsögu
KNús frá mér og bumbu !!
October 28th, 2007 at 8:48 pm
Til hamingju með nýjasta gullmolann í fjölskyldunni hann er algjört æði og hlökkum til að sjá hann með berum augum:)
Hafið það sem allra best og kossar og endalaust knús frá okkur…;)
October 28th, 2007 at 8:52 pm
Elskurnar þetta er meiriháttar viðburður og Poji ( síðasta sinn sem ég kalla hann það) er fagur allan hringinn og innaní líka. Þið eruð svo fallegar og vissulega tárast maður með í hamingju ykkar. Kidda þú er solid rokk og tókst þetta pro style, þú færð ósvikna aðdáun fyrir dáðina. vonandi sjáum við hann sem fyrst,
October 28th, 2007 at 9:57 pm
Hjartanlega til lukku med mini rokk
kærar kvedjur fra Erlu og co.
October 28th, 2007 at 11:38 pm
Elsku Kidda,Ína og Laufey Ebba…..innilega til hamingju með þennan fullkomna rokkara sem hefur litið dagsins ljós.Hann er æði.Heyrumst fljótlega.
October 29th, 2007 at 12:47 am
Til hamingju með þennan yndislega dreng! Frábært að heyra að allt gekk vel, hlakka til að heyra (og sjá) meira:)
October 29th, 2007 at 9:59 am
Elsku Kidda og Ína
Til hamingju með prinsinn, hann er langflottastur.
kossar
Erla
October 29th, 2007 at 1:52 pm
Ef þið, stelpurnar þrjár, þurfið einhverja aðstoð þá er ég sérfræðingur í að ala upp stráka – kann reyndar bara það.
Hjartanlega til hamingju og gangi ykkur vel!
October 29th, 2007 at 3:29 pm
Hjartanlega til hamingju með litla frænda!
October 29th, 2007 at 5:40 pm
Kæra fjölskylda til hamingju með drenginn
October 29th, 2007 at 7:38 pm
Elsku fallega rockfamilý
Innilega til hamingju með litla prinsinn. Þvílíkur gullmoli! Yndisleg fæðingasaga og myndir. Hlakka til að fylgjast með litla rokkaranum
Rock on!
October 29th, 2007 at 10:59 pm
Til hamingju með nýja rokkarann, hann er bara flottur.
kveðja Borghildur og fjölskylda
October 29th, 2007 at 11:02 pm
Til hamingju með drenginn, hann er rosalega flottur.
Gangi ykkur vel.
October 30th, 2007 at 2:13 pm
Kæra fjölskylda, innilega til hamingju með litla strákinn ykkar. Hann er algjört krútt og ekkert smá sætur. Vonandi heilsast öllum vel og gangi ykkur vel með allt saman.
Kveðja Steini, Sigrún, Bárður Árni, Rebekka Rut og Róbert Elí
October 30th, 2007 at 5:06 pm
Innilega til hamingju með litla prinsinn.
Gangi ykkur allt í haginn.
Bestu kveðjur til ykkar allra.
October 30th, 2007 at 9:37 pm
Innilegar hamingjuóskir með prinsinn. Dálítið svipar honum til afa síns. Kærar kveðjur til ykkar allra frá Fjölskyldunni Lilliendahl á Selfossi.
October 30th, 2007 at 9:48 pm
Kæra rokkfjölskylda,
Hjartanlegar hamingjuóskir með nýjasta fjölskyldumeðliminn.
Með ósk um bjarta og gæfuríka framtíð,
Arnar
October 30th, 2007 at 9:52 pm
Innilega til hamingju með litla prinsinn !!!
(Heiðrún frænka benti mér á síðnuna ykkar)
Kveðja frá Kaupmannahöfn
October 31st, 2007 at 8:29 am
Til hamingju með nýja þórhöllubarnið, hann er bráðmyndarlegur.
Kveðja
Kristinn Hallur, Margrét Rós og strákarnir.
October 31st, 2007 at 9:14 pm
Velkominn í heiminn fallegi prins
Innilega til hamingju með prinsinn elskurnar, hann er sætastur. Frábært hvað þetta gekk vel, Kidda þú ert hetja.
Kossar og knús til ykkar allra frá okkur á Birkiteignum.
Guðrún og co.
November 1st, 2007 at 8:45 am
Dásamlegt!
Innilega til hamingju með lífið og tilveruna elsku fjölskylda.
Hann er lukkunnar pamfíll þessi fallegi drengur!
Knus og kram frá Lystrup,
Gunnur og Claxtonarnir
November 7th, 2007 at 3:36 pm
Kæra Ína, Kidda og Laufey Ebba
er þetta ekki frábært… ekkert eins dásamlegt – liggja bara upp í rúmi og horfa og vera mjúkur og fullur af kærleik eins og ein manneskja getur verið… ótrúlegur unaður… vona elsku Kidda að þú njótir þess að vera á sængurlegunni eins og það heitir. Við mæðgurnar kíkjum bráðum í heimsókn…
kveðja frá Soffíu frænku og Salóme