Kæru vinir nær og fjær, í ár sendum við engin jólakort og ekkert jólabréf vegna mikilla anna.  Hins vegar erum við að leggja drög að því að setja inn á vefinn okkar annál ársins 2006. 

Annars eru jólin búin að vera með hefðbundnu sniði – mjög önnum kafin: Skötuboð hjá Sigurlaugu föðursystur Ínu á Þorlák, möndlugrautur í hádeginu á aðfangadag (Kidda fékk möndluna), borðum heima á aðfangadagskvöld (Fyllt gæs í gerfi andar), kaffiboð hjá tengdó á Akranesi seinna um kvöldið, jólaboð ömmu Mæju á jóladag þar sem spiluð er vist og borðað saman, jólaboð hjá tengdó á Akranesi á annan, Kristín og Kata komu í mat til okkar á þriðja, 29. fórum Laufey og Ína í jólaboð til ömmu Stínu og síðan fórum við allar í brúðkaup hjá Hildigunni frænku Kiddu og Skúla (Kidda var bílstjórinn), ekkert boð á laugardaginn en Kidda fór í viðtal á RÚV (hlusta), fórum í árlegt gamlársdagsboð hjá Stínu og Völlu í hádeginu á gamlársdag,  borðuðum heima með Brynju og Ella systkynum Ínu á gamlárs og matarboð hjá Möggu í kvöld en hún átti einmitt afmæli í dag  01.01. 

Á fimmtudaginn 4. jan á Kidda svo afmæli ásamt afa sínum og Úrsúlu litlu frænku sinni, á föstudaginn er nýárs/innflutningspartý í vinnunni hjá Ínu, á laugardaginn er síðan jólaball hjá Hannesarættinni í Stapa og sjá afkomendur afa Einars einmitt um það í ár.  Þessi önnum kafna sósíaldagskrá ásamt miklum önnum í vinnu valda því að það hefur ekki gefist tími til að eiga samskipti við umheiminn í gegnum þetta annras ágæta blogg okkar. Og ef einhverjum finnst við skilja hann/hana útundan þá er það leiðinlegt en það hefur því miður ekki verið hægt að hitta nema brot af því fólki sem okkur langaði að hitta um jólin.  Það þarf bara að framlengja jólin út janúar svo maður geti hitt alla sem mann langar að hitta.